Stella Open er langstærsta mót sumarsins en 234 keppendur voru skráðir til leiks. Það fór líka svo að dagurinn dugaði vart til að klára mótið, síðasta hollið var með fimm framverði sem fylgdust með keppendum slá, heyrðu boltana detta og gengu á hljóðið, svo tæpt var það að klára mótið fyrir myrkur … en það tókst þökk sé frábæru teymi sjálfboðaliða GKG!

Úrlist mótsins í höggleik voru eftirfarandi:

  1. Sigurjón Arnarson, 73 högg
  2. Hlynur Þór Stefánsson, 73 högg
  3. Kristján Þór Einarsson, 74 högg

Þess má geta að Emil Þór Ragnarsson fékk heimild mótsstjórnar til að taka þátt í mótinu utan verðlaunasæta þar sem hann er ekki orðinn 20 ára. Emil gerði sér lítið fyrir og spilaði Leirdalsvöllinn á tveimur undir pari, glæsilegur árangur hjá þessu unga og efnilega kylfingi.

Úrslit punktakeppninnar voru eftirfarandi:

  1. Garðar Snorri Guðmundsson, 40 punktar
  2. Örn Bergmann Úlfarsson, 40 punktar
  3. Júlíus Arnarsson, 39 punktar

Veitt voru fjöldinn allur af vinningum fyrir hinar ýmsu stöður á brautum vallarins, hér á eftir fylgir listi yfir þá sem ekki voru við verðlaunaafhendinguna:

  • 3. braut, dregið úr X-um, Pétur Örn Johnsen (Mánaðaráskrift á Skjár Golf)
  • 16. braut, dregið úr besta skori, Haraldur Franklín Magnús (Muga Magnum, 1,5 L rauðvínsflaska
  • 16. braut, dregið úr X-um, Eiður Stefánsson (Mánaðaráskrift af Skjár Golf)

Framangreindir aðilar geta sótt vinninga sína á skrifstofu GKG eftir helgi.

GKG óskar öllum vinningshöfum til hamingju, þakkar kylfingum þátttökuna, Stella umboðinu fyrir frábæra umgjörð og síðast en ekki síst öllum þeim sjálfboðaliðum sem stóðu vaktina þá 17 tíma sem mótið stóð yfir.