Það voru 43 GKG-konur sem mættu með góða skapið á Vífilsstaðavöllinn sunnudaginn 8. september s.l. Leiknar voru 18 holur á Leirdalnum og leikfyrirkomulagið var punktakeppni. Um kvöldið var svo lokahóf GKG-kvenna, verðlaun afhent og borðaður mjög góður matur að hætti Sigurðar. Þá kom Eyþór Ingi og söng og skemmti okkur við mjög góðar undirtektir.
Í punktakeppninni urðu eftirfarandi úrslit:
- Alda Harðardóttir með 36 punkta. Fékk hún 17.000 kr. gjafabréf hjá Intersport og golfstyttu.
- Ragnheiður Stephensen með 35 punkta. Fékk hún 13.000 kr. gjafabréf hjá Intersport.
- Jóhanna Ríkey Sigurðardóttir með 35 punkta. Fékk hún 10.000 kr. gjafabréf hjá Intersport.
- Guðrún Dröfn Eyjólfsdóttir með 34 punkta. Fékk hún 7.500 kr. gjafabréf hjá Intersport.
- Þórunn Ágústa Einarsdóttir með 33 punkta. Fékk hún 5.000 kr. gjafabréf hjá Intersport.
Kristín Hassing átti lengsta brautarhöggið á braut 1. Fékk hún golfstyttu og konfektkassa frá INNNES.
Ólöf Ásgeirsdóttir var næst holu á holu 2 (4,74m). Fékk hún ýmislegt frá INNNES.
Alda Harðardóttir var næst holu á holu 4 (7,17m). Fékk hún ýmislegt frá INNNES.
Ingveldur Finnsdóttir var næst holu á holu 11 (1,29m). Fékk hún ýmislegt frá INNNES.
Sigríður Poulsen var næst holu á holu 17 (4,61m). Fékk hún ýmislegt frá INNNES.
Fríður Guðmundsdóttir fékk afreksverðlaunin fyrir flesta punkta eftir reglum þeim sem settar voru í upphafi sumars, þ.e. flestir punktar yfir sumarið samkvæmt innlögðum skorkortum í skipulögðum leiktíma GKG-kvenna. Til grundvallar eru lögð fimm bestu skorkortin á 9 holum. Fríður var með 93 punkta og fékk hún áritaða golfstyttu.
Kvennanefndin þakkar öllum sem hafa stutt okkur í sumar. Þá þakkar nefndin starfsfólki GKG fyrir þeirra samstarf og Sigurði og hans fólki fyrir gott og notalegt samstarf í sumar.
GKG-konur fylgist með heimasíðu GKG og skráið netfangið ykkar hjá GKG svo hægt sé að senda ykkur tölvupóst um helstu viðburði GKG-kvenna.
Við minnum á vetrarstarfið.
Kærar þakkir fyrir okkur
Kvennanefndin.