Sigmundur Einar Másson úr GKG, eða Simmi eins og flestir þekkja hann, hélt góðan fræðslufyrirlestur um háskólagolf í Bandaríkjunum í gærkvöldi í golfskála GKG. Fundurinn var mjög vel sóttur, en um 30 áhugasamir kylfingar og foreldrar hlýddu á Simma flytja fræðandi fyrirlestur um hvað þarf að hafa í huga þegar stefnt er á háskóla í Bandaríkjunum, með það í huga að komast í golflið skólans.
Farið var ítarlega yfir það hvernig ferilsskráin er útbúin, hvað er mikilvægt og hvað ber að varast. Hvað þarf að hafa í huga þegar skóli er valinn, hvaða próf þarf að taka, og margt fleira.
Fyrirlesturinn var opinn öllum, en Simmi hefur á undanförnum árum veitt ráðgjöf þeim sem stefna á háskólagolf. Áhugasamir geta sett sig í samband við Simma, en einnig er hægt að skoða nokkrar upplýsingar hér.
Hluti af áhugasömum kylfingum sem hlýddu á fyrirlesturinn.
