Nokkuð hefur dregist að koma félagsskírteinum í dreifingu. Á morgun föstudaginn 10. júní munum við þó byrja að afhenda skírteinin í verslun GKG. Samhliða afhendingu félagsskírteina munum við bjóða fólki að taka mynd til að setja inn á golf.is. Myndirnar munu auðvelda vallargæslumönnum að sinna sínu hlutverki. Einstaklingar geta sjálfið hlaðið inn mynd á golf.is ef þeir vilja það frekar.
Félagsskírteinin sem við afhendum núna eru rafræn og verða ekki gefin út árlega eins og verið hefur. Skírteinin eru mun dýrari en eldri kortin, þau eru eign GKG og afhend án endurgjalds. Ef kort týnist verður viðkomandi hins vegar að greiða kr. 1.500 fyrir nýtt kort. Athugið að samhliða þessu leggjum við niður pokamerkin því vallargæslumenn hafa í gegnum golf.is fulla yfirsýn yfir það hverjir eru á vellinum. Við ætlum hins vegar að láta hanna fyrir okkur vegleg pokamerki með GKG merkinu okkar.
Sú breyting verður á með nýju korti að allir þeir sem eru á leið á teig þurfa að skanna sig inn á völlinn. Skanninn verður staðsettur í anddyri verslunar og þar skráir maður sig bæði inn á Mýrina og Leirdalinn. Kylfingar þurfa því ekki lengur að tilkynna sig inn í verslun GKG lengur. Það er því lykilatriði að hafa kortið með sér á völlinn, annars er ekki hægt að srká sig inn. Því miður eru tafir á afgreiðslu búnaðar frá birgja og þvi munum við auglýsa það sérstaklega þegar skanninn er orðinn virkur.
Fyrir utan það að gefa okkur mun betri yfirsýn yfir mætingar á völlinn, þá munu kortin virka sem aðgangskort að Kórnum og jafnframt munu þeir sem bóka golfhermi fá aðgang að hermaherberginu þann tíma sem viðkomandi hefur til ráða.
