Á laugardaginn sýndum við og sönnuðum að það er hægt að halda stórt opið golfmót um helgi, og spila á góðum leikhraða. 121 kylfingur var skráður til leiks og var völlurinn pakkaður frá klukkan 07:30 til 16:00. VITAgolf lofuðu okkur tveimur ferðum í golfferð á þeirra vegum ef leikhraði allra holla yrðir undir 4:30 mín. Það er skemmst frá því að segja að það tókst, Það holl sem lengst var að spila kom inn á 4:25 en almennt voru hollin að spila á 4:15 til 4:20. Stemningin var jafnframt stórkostleg, það var gaman að standa á 14. og horfa yfir þéttan völlinn, hvergi slór og hvergi auð braut.
Þau sem dregin voru út í ferðina frá VITA voru Loftur Þór Pétursson GHR og Þórveig Hulda Alfreðsdóttir GKG, þau voru bæði á staðnum í verðlaunaafhendingunni og fögnuðu vel og innilega.
Mótið var til styrktar íþrótta- og afrekssviði GKG og í mótinu var haldið sérstaklega uppi minningu þeirra Jóns Ólafssonar og Ólafs E. Ólafssonar sem báðir létust óvænt og skyndilega í blóma lífsins. Þeir áttu drjúgan þátt í að gera GKG að því sem klúbburinn er í dag.
GKG vill nýta tækifærið og þakka VITAgolf og öllum þeim styrktaraðilum sem styrktu mótið með frábærum vinningum.
VITAgolf útdráttarverðlaun
Loftur Þór Pétursson GHR
Þórveig Hulda Alfreðsdóttir GKG
Næstur holu
- braut Kolbeinn Halldórsson GR 3,91m
- braut Bergur Konráðsson GKG 38,5cm
- braut Steindór Dan Jensen GR 172cm
- braut Sindri Snær Skarphéðinsson GKG 196cm
- braut Chapane Ramdani GKG 278cm
- braut Hanna Ólafsdóttir GM 73,5cm
Punktakeppni
- Haukur Bragason GM 41 punktur
- Elís Rúnar Víglundsson GM 40 punktar
- Örn Sveinbjörnsson GKG 40 punktar
Höggleikur án forgjafar
- Bergur Konráðsson GKG 74 högg
