Bændaglíma 2011 sem er lokamót ársins fer fram næstkomandi laugardag.
Bændur þetta árið eru keppniskonurnar Ragnheiður Stephensen og Kristín Anna Hassing og munu þær leiða lið sín áfram til sigurs. Leikfyrirkomulagið verður hið landsfræga Vífilstaðafyrirkomulag sem útskýrt verður á staðnum.
Liðstjórar munu mýkja upp sín lið með göróttum drykk fyrir leik og veitingabíllinn verður á ferðinni á meðan móti stendur, en eftir að mótinu lýkur munum við snæða veislumat frá Sigurði veitingamanni.
Mæting er kl 12:00 og verður síðan ræst út af öllum teigum kl 13:00.
Verð í mótið er kr. 3,500 fyrir mót og mat. (Drykkir ekki innifaldir)
Klárum nú sumarið með stæl og fjölmennum í þetta skemmtilega mót sem enginn má missa af.