Birgir Leifur hafnaði í 52. sæti á Austrian Open sem lauk í gær, en honum gekk illa á lokahringnum. Hann átti afar slæma byrjun og var kominn 5 yfir eftir 5 brautir en náði þó að rétta úr kútnum og lék einn undir það sem eftir var og endaði á 76 höggum. Samtals lék Birgir á einu höggi undir pari. Þrátt fyrir slæman lokahring getur Birgir Leifur verið ánægður með marga hluti í sínum leik eftir þetta mót. Ekki síst líkamlega ástandið en hann hefur glímt við bakmeiðsli í alllangan tíma. Vonandi fær Birgir Leifur fleiri tækifæri á næstunni til þátttöku í mótum, sem myndi hjálpa honum í undirbúningi sínum fyrir úrtökumótið fyrir evrópsku mótaröðina, en það fer fram í byrjun nóvember.