Vinkvennamót GKG- og GO-kvenna gekk mjög vel og voru konur ánægðar með að hittast og spila golf. Það var frábær þátttaka og spiluðu tæplega 90 konur hvorn dag í mikilli veðurblíðu.
GO-konur báru sigur úr bítum eftir harða keppni. Þegar fyrir lágu upplýsingar um 10 punktahæstu GO-konur hvorn dag og 10 […]
Á morgun, miðvikudaginn 27. júní fer fram annað mót í miðvikudagsmótaröð GKG. Ef veðrið helst eins og það hefur verið undanfarna daga þá er ekkert því til fyrirstöðu að skella sér út og spila gott golf með félögunum.
Kylfingar skrá sig á rástíma þegar þeim […]
Bleiki bikarinn – Sólstöðumót kvenna var haldið hjá GKG á Vífilsstaðavelli föstudaginn 22. júní s.l. og hófst um kl. 20:15. Ræst var út á öllum teigum samtímis og voru þær konur sem lengst þurftu að fara keyrðar með rútu. Það mættu 100 konur og luku þær 18 holum um kl. 01:25 um nóttina. Í mótslok var boðið upp á súpu, brauð og salat í boði Vistor og vinningshöfum afhent verðlaun. Spilað var Texas Scramble. Glæsileg verðlaun voru fyrir 10 efstu sætin og nándarverðlaun á fjórum par 3 holum. Þá var dregið úr skorkortum.
Golfkonur voru mjög ánægðar með mótið og hlakka til að koma að ári. Mörg fyrirtæki hafa styrkt mótið vel og þökkum við þeim sérstaklega fyrir frábærar viðtökur en allur ágóði af mótinu rennur til Krabbameinsfélagsins.
Við í kvennanefndinni þökkum öllum þeim sem að mótinu komu ekki síst starfsfólki GKG og Krabbameinsfélagsins fyrir veittan stuðning og golfkonum fyrir þátttökuna. Hittumst að ári.
Úrslit mótsins eru á golf.is. Meðfylgjandi er listi yfir vinningana sem í boði voru. Smellið á „Lesa meira"
Kvennanefnd GKG
Þriðjudaginn 26 júní n.k. fellur niður kvennagolfið.
Vegna heimsóknar GKGkvenna til kvenna í GO mánudaginn 25. júní n.k. fellur niður kvennagolfið þriðjudaginn 26. júní n.k. Við spilum svo 18 holur með GÖkonum þriðjudaginn 3. júlí n.k. í Öndverðarnesi, sjá nánari upplýsingar um mótið síðar. Reiknað er með því að hefja leik […]
Um helgina fór fram þriðja stigamótið á Kauþingsmótaröðinni á Leirunni, velli Golfklúbbs Suðurnesja og að sjálfsögðu fjölmenntu afrekskylfingar GKG og spiluðu undir merkjum klúbbsins. Árangurinn að þessu sinni var ekki nógu góður en eini GKG-ingurinn til þess að komast inn á topp 10 listann var Eygló Myrra Óskarsdóttir, en hún spilaði gott golf um helgina og endaði í 4. sæti í kvennaflokki. Hreint frábær árangur hjá hinni ungu og efnilegu Eygló. Bestur strákanna okkar var Sigurður Rúnar Ólafsson, en hann endaði í 13.-15. sæti.
Eftir mót helgarinnar er Ottó Sigurðsson, en hann var ekki með í þessu móti, efstur okkar manna á stigalistanum - í 7. sæti. Eygló Myrra er best GKG-inga í kvennaflokki, er í 9. sæti.
Næsta stigamót er sjálft Íslandsmótið í höggleik, en það fer fram á Hvaleyrarvelli í Hafnarfirði í lok júlí.
Smellið á „Lesa meira“ til að sjá árangur allra kylfinga GKG á mótinu.
Undankeppni International Pairs fór fram á þremur völlum um helgina og var Vífilsstaðavöllur þar á meðal. 17 lið öttu kappi í algerri „bongoblíðu“ í dag og var skorið jafn gott og veðrið. Efstar urður Jónína Pálsdóttir og Hansína Þorkelsdóttir með heila 46 punkta og komust þær því áfram í úrslitin […]
Meistaramót Golfklúbbs Kópavogs og Garðarbæjar verður haldið dagana 8.-14.júlí. Leikið verður á Leirdal. Unglinga- og öldungaflokkar, 3. fl. kv., 4. og 5. fl. karla leika 54 holur og aðrir leika 72 holur.
Nýtt hjá GKG – greiða verður þátttökugjald við skráningu!
Skráning hefst fimmtudaginn 21.júní kl.10 og henni lýkur miðvikudaginn 4.júlí kl. 12.
Nokkur atriði sem hafa ber í huga við skráningu:
• Skráning hefst fimmtudaginn 21.júní kl.10
• skráð verður alla virka daga frá kl.08-22
• þátttökugjald er 3.000 kr fyrir 54 holur og 4.000 kr fyrir 72 holur
• skráning fer fram í ProShop GKG í síma 897-7272
• einnig er hægt að skrá sig á netfangið mottaka@gkg.is og verður að gefa upp kreditkortanúmer til að skráning sé tekin gild. Gefa þarf upp nafn, kennitölu, forgjöf, flokk, netfang og kreditkortanúmer fyrir greiðslu þátttökugjalds. Þeir sem ekki nota kreditkort geta lagt inn á reikning klúbbsins: 1121-26-7272. kt. 650394-2089. Senda þarf afrit af innleggi á mottaka@gkg.is
Þátttökugjald verður ekki endurgreitt eftir nema gegn framvísun læknisvottorðs.
Leirdalsvöllurinn verður lokaður 8.-14.júlí. Mýrin verður opin meðan á mótinu stendur.
Einungis er heimilt að leika í einum flokki í mótinu.
Öldungar 70 ára og eldri, 5.flokkur karla og 3.flokkur kvenna leika af rauðum teigum.
Lokahóf verður í skála GKG laugardagskvöldið 14.júlí. Nánar auglýst síðar
Allar upplýsingar um mótið verða settar hér inn á síðuna. Einnig er hægt að hringja í síma 565-7373 og fá nánari upplýsingar hjá starfsfólki ProShop. Fyrirspurnum sem sendar verða á mottaka@gkg.is verður einnig svarað.
Smellið hér til að skoða áætlaða rástíma fyrir mótið.
Smellið á „Lesa meira “ til að sjá flokkaskiptingu mótsins.
Sökum dræmrar þátttöku hefur Jónsmessumóti GKG 2007 verið aflýst.
Á morgun, fimmtudaginn 21.júní 2007 er Leirdalsvöllurinn lokaður vegna boðsmóts. Lokað er fyrir alla umferð um hann til klukkan hálfsjö.
Mýrin verður aftur á móti opin allan daginn.
Íslandsmeistarinn okkar hann Sigmundur Einar Másson náði sér ekki á strik í dag á seinni hring á opna breska áhugamannamótinu, kom inn á 77 höggum eða 6 yfir pari. Hann lék á Royal Lytham vellinum í dag og fann sig greinilega ekki eins vel […]