Fréttir almennt

Í morgun hófst Opna GKG mótið hér á Leirdalsvelli og markaði það þar með formlega opnun Leirdalsvallar. Kylfingar hafa leikið upp í Leirdal í ágætu veðri í dag og hefur gengið glimrandi vel að halda uppi hraða.

Besta skor dagsins var einn undir pari, 70 högg og komu þrír afrekskylfingar úr GKG inn á því skori: Valgeir Tómasson, Ottó Sigurðsson og Haukur Már Ólafsson. Haukur Már hafði betur gegn hinum tveimur í bráðabana og því hlaut hann verðlaun fyrir besta skor dagsins. Vallarmetið á nýja vellinum er því sem stendur 70 högg.

Smellið á meira til að sjá lista yfir verðlaunahafa. Þeir sem unnu til verðlauna geta sótt verðlaun sín í ProShop GKG í næstu viku

Nú er loksins komið að því!

Næstkomandi laugardag, þann 9.júní 2007 verður Opna GKG mótið haldið með pompi og prakt. Mótið verður stórglæsilegt og er sögulegt fyrir þær sakir að þá verður í fyrsta skipti spilað upp í Leirdalinn. Vallarstarfsmenn hafa unnið hörðum höndum við […]

Miðvikudaginn 6. júní kl. 18:00 verður Kjartan Bjarnason, landsdómari og dómari GKG, með reglunámskeið í golfskálanum. Þar fer hann yfir helstu lög og reglur sem allir eiga að fara eftir þegar golf er spilað, útskýrir flókin atriði og fleira. Allir sem vilja skerpa á þekkingu sinni eru boðnir velkomnir. Aðgangur […]

Ottó Sigurðsson, atvinnukylfingur GKG, varð efstur af þeim kylfingum sem kepptu fyrir hönd GKG í 2. móti Kaupþingsmótaraðarinnar sem fram fór í slæmu veðri á Korpúlfsstaðavelli Golfklúbbs Reykjavíkur um helgina.

Ottó spilaði hringina tvo, en sá þriðji var felldur niður, á 74 og 78 höggum, […]

Eitt stærsta mót sumarsins, Rás2 Open var haldið hér á Vífilsstaðavelli í gær. Ekki viðraði vel á kylfinga, en mikið rok og rigning setti mark sitt á mótið. Menn létu þó veðrið ekki aftra sér og fjölmenntu í Garðabæinn til að spila Texas Scramble og berjast um einhver hinna fjölmörgu verðlauna sem í boði voru.

Smellið á „Lesa meira“ til að skoða lista yfir vinningshafa.

Síðastliðinn laugardag fór fram vormót GKG í blíðskaparveðri. Háð var punktakeppni með og án forgjafar og fóru leikar sem hér segir (hægt er að nálgast allan listann undir "mótaskrá" á www.golf.is):

Punktakeppni með forgjöf:
1. Þorvaldur E Sigurðssson 40 punktar
2. Þorvaldur Ingi Jónsson 37 punktar
3. Sigurfinnur Sigurjónsson 37 punktar

Punktakeppni […]

Frétt af www.gkg.is/unglingar

Nú er lokið fyrsta stigamóti unglinga á Kaupþingsmótaröðinni 2007 en það fór fram á Strandarvelli við Hellu um helgina. 
24 krakkar kepptu fyrir hönd GKG, 16 strákar og 8 stúlkur.  Bestum árangri þeirra náði Emil Þór Ragnarsson en hann sigraði […]

Ekki hefur verið ákveðið hvenær Leirdalurinn verður opnaður. Það verður þó á tímabilinu 9. – 30. júní. Mikil bleyta var á svæðinu í vetur og nokkrir brautarhlutar fóru illa. Vallarstarfsmenn vinna hörðum höndum að því að setja skeljasand í glompur ,laga til göngustíga og setja upp brautamerkingar. Sæluhúsi hefur verið […]

Í kvennaspiltímunum næskomandi þriðjudag verður breytt út af vananum og lítið 9 holu mót haldið. Leikin verður punktakeppni og eru verðlaun í boði fyrir góðan árangur auk nándarverðlauna. Allar GKG konur eru hvattar til að koma og skemmta sér á þriðjudaginn.

Skráning fer fram á golf.is, smellið hér […]

Á laugardaginn, 26.maí næstkomandi, verður fyrsta mót sumarsins hjá GKG. Mótið er aðeins fyrir GKG félaga og leiknar verða 18 holur með punktafyrirkomulagi. Veitt verða verðlaun fyrir fyrstu þrjú sæti með og án forgjafar og einnig verða nánadarverðlaun á öllum par 3 holunum.