Fréttir almennt

Ottó Sigurðsson endaði í 2. sætinu eftir bráðabana við Ólaf Má Sigurðsson úr GR eftir að báðir höfðu lokið leik eftir 3. hring á 211 höggum. Þeir léku báðir á 74 höggum í dag.

Ottó sagðist hafa verið að slá vel en púttin hafi ekki alveg ratað rétta leið. Hann var enga síður mjög bjartsýnn á framhaldið enda hafnað í top 5 á tveimur fyrstu mótum sumarsins.

Sigmundur Einar Másson tók sér verðskuldað frí þessa helgi eftir sigurinn á Opna Austuríska en kappinn er búin að vera alveg á full síðan í vetur. Við fylgjumst spennt með gangi mála hjá okkar mönnum en næsta mót í KB-Banka mótaröðinni fer fram í Leirunni eftir tæpar tvær vikur.

Ottó Sigurðsson er sem stendur í 1.-2. sæti eftir fyrsta hring á KB Banka mótaröðinni í Vestmannaeyjum. Hann lék á 69 höggum, 1 höggi undir pari.

Ottó fékk 3 skolla í röð á 1.,2. og 3. holu en náði að koma sér 1 undir par með því að fá 2 erni […]

Öldunganefnd GKG efnir til móts sunnudaginn 11. júní frá kl. 9:00. Skráning fer fram á töflu í skála, hægt er að koma á staðinn eða hringja í númer 565-7373 til að skrá sig. Mótsgjald er 1.000 krónur.

Bætt hefur verið við rástímum á Iceland Express mótið vegna aðsóknar. Glæsilegir vinningar eru í boði og góð veðurspá. Völlurinn eru í fínu ástandi og nýlega var lækkaður slátturinn á flötum. Hlökkum til að taka vel á móti kylfingum á laugardaginn kemur.

Vegna fjölda áskorana hefur verið ákveðið að fresta Hatta- og kjólamóti GKG kvenna sem vera átti sunnudaginn 11. júní n.k. Þann dag eru tvö stór kvennamót sem fjöldi GKG kvenna ætlar að taka þátt í. Kvennanefnd GKG hefur því ákveðið að Hatta- og kjólamót GKG kvenna verði þriðjudaginn 11. júlí […]

Fyrsta mótið í KB Bankamótaröð unglinga sumarið 2006 fór fram á Þorlákshafnarvelli í gær og í dag. Alls tóku 27 krakkar frá GKG þátt í mótinu. Eygló Myrra stóð sig best að þessu sinni af okkar þátttakendum, spilaði báða dagana á 79 […]

Iceland Express Open fer fram á laugardaginn nk. á Vífilsstaðavelli, nú þegar hafa yfir 100 manns skráð sig en ávallt hefur verið góð þátttaka í mótinu. Glæsilegir ferðavinningar eru í verðlaun og meðal annars golferð til Englands í verðlaun fyrir besta […]

Íslendingur með í Ryder keppninni!

Birkir Már Birgisson, aðstoðarvallarstjóri hjá GKG á Vífilsstaðavelli, hefur fengið boð um að starfa í kringum Ryder-keppnina sem fram fer á K-Club á Írlandi í september. Hann er fyrsti Íslendingurinn, sem kemur að Ryder-keppninni með þessum hætti. Keppnin um Ryder-bikarinn er milli úrvalsliðs Bandaríkjanna og Evrópu og er keppt um bikarinn annað hvert ár.

Við minnum konur í GKG á kvennatímann í dag frá kl.16.30 – 18.00. Glæsileg mæting hefur verið í sumar og það er alltaf gaman að sjá ný andlit. Skráning er uppá töflu í skálanum en hægt er að hringja í síma 565-7373 til þess að skrá sig.

Rás 2 Open, fyrsta opna golfmót sumarsins hjá GKG, var haldið á Vífilstaðavelli í gær. Eins og venja er í þessu móti var keppnisfyrirkomulagið Texas Scramble og var fjöldi vinninga í boði en verðlaun voru veitt fyrir efstu fimm sætin auk þess sem þau lið sem enduðu í 10., 20., 25., 50., 60. , 75. , 100. og næst síðasta sæti fengu verðlaun. Einnig var hægt að vinna gífurlegan fjölda aukavinninga, fyrir lengstu upphafshögg og að vera næstur holu í fyrirfram ákveðnum höggafjölda. Athygli vakti að 12.hola vallarins var sú eina þar sem menn þurftu ekki að hafa áhyggjur af mælingum til verðlauna, svo mikið magn verðlauna var gefið.

Almennt var mál manna að mótið hafi tekist vel, enda lék veðrið við þátttakendur og komu mörg lið inn á góðu skori. Reyndar sáu margir sér ekki fært að mæta í verðlaunaafhendinguna og því eru mörg verðlaun enn hérna hjá okkur í klúbbhúsinu og viljum við endilega að þau verði sótt sem fyrst. Til glöggvunar fyrir þá sem ekki vita almennilega hvort þeir hafi unnið sér inn verðlaun þá fylgir hér með þessari frétt listi yfir verðlaunahafa í mótinu. Smellið á "Lesa meira" til að skoða hann.

Mótanefnd og GKG þakka fyrir frábæra þátttöku í mótinu í gær og vonast til að sjá alla aftur að ári.