Í gær lauk Sveitakeppni unglinga, en hún fór fram á þremur stöðum, stúlkur hjá Golfklúbbi Suðurnesja, piltar 16-18 ára hjá Golfklúbbi Þorlákshafnar og drengir 15 ára og yngri hjá Golfklúbbi Flúða.

A sveit drengja gerði sér lítið fyrir og varð Íslandsmeistari eftir spennandi úrslitaviðureign við A sveit Keilis. Þetta var sætur sigur og vörðu þeir titilinn frá í fyrra. Til hamingju drengir – Íslandsmeistarar!

B sveit drengja stóð sig einnig frábærlega og endaði í 9. sæti, en eftir höggleikinn voru þeir í hópi liða í 9.-16. sæti og unnu því sína keppni ef svo má segja, en þeir lögðu alla sína andstæðinga, fjóra, í holukeppninni.

Stúlkur 16-18 ára kepptu um 3. sætið við NK og höfðu betur og höfnuðu í 3. sæti, til hamingju með árangurinn!

Stúlkur 15 ára og yngri enduðu í 5. sæti, lögðu GK-B í seinasta leiknum, sem er vel af sér vikið, klárlega framfarir frá því fyrra.

Piltar 16-18 ára kepptu um 3. sætið við A sveit GR og höfðu betur 3/0. Þeir voru grátlega nærri því að komast í úrslitaleikinn, en 3. sætið er engu að síður frábær árangur og sá besti hjá þessum flokki í nokkur ár.

Hér fyrir neðan má sjá nafnalista fyrir þau sem kepptu fyrir hönd GKG. Nánari upplýsingar um úrslit er að finna á klúbbasíðum viðkomandi golfklúbbs á golf.is

Myndasafn frá mótinu verður birt á næstu dögum á www.gkg.is. 

Til hamingju öll sömul með árangurinn!

Sveitakeppni unglinga 19.-21. ágúst 2011

Sveitir GKG

15 og yngri drengir
A sveit: Golfklúbbur Flúða
Aron Snær Júlíusson
Egill Ragnar Gunnarsson
Kristófer Orri Þórðarson
Óðinn Þór Ríkharðsson
Sverrir Ólafur Torfason

B sveit: Golfklúbbur Flúða
Ásbjörn freyr jónsson
Daði Valgeir Jakobsson
Elías Björgvin Sigurðsson
Máni Geir Einarsson
Sigurjón Guðmundsson

Stúlkur 16-18 ára: Golfklúbbur Suðurnesja
Andrea Jónsdóttir
Gunnhildur Kristjánsdóttir
Helena Kristín Brynjólfsdóttir
Særós Eva Óskarsdóttir

Stúlkur 15 ára og yngri: Golfklúbbur Suðurnesja
Bergrós Fríða Jónasdóttir
Borg Dóra Benediktsdóttir
Elísabet Ágústsdóttir
Freydís Eiríksdóttir
Þórhildur Kristín Ásgeirsdóttir
Ásthildur Lilja Stefánsdóttir

16-18 ára piltar: Golfklúbbur Þorlákshafnar
Daníel Hilmarsson
Emil Þór Ragnarsson
Gunnar Gunnarsson
Ragnar Már Garðarsson