Púttmótaröð barna og unglnga fer af stað á morgun laugardag, en hún heppnaðist mjög vel í fyrravetur. Sjá upplýsingar hér fyrir neðan, en hægt verður að pútta milli 10-12. Umsjónarmaður er Hlynur. Þátttaka er ókeypis.
Vonandi mæta sem flestir og hafa gaman af því að taka pútthring í Kórnum.
Upplýsingar:
Púttmótaröðin stendur í fjóra mánuði, fyrsta mótið 7. janúar og seinasta í apríl.
Alls 9 mót. Fimm bestu hringir telja.
Þrír aldursflokkar, kynjaskipt:
12 ára og yngri (fædd ´00 og síðar)
13-15 ára (fædd 99-97)
16-18 ára (fædd 96-94)
Eftir seinasta mótið í vor verða veitt verðlaun fyrir þrjú efstu sætin í hverjum flokki, stúlkna og drengja.
Mótsdagar eru eftirfarandi (með fyrirvara um breytingar):
Mótin fara fram á laugardögum milli 10-12.
7. janúar
21. janúar
04. febrúar
18. febrúar
03. mars
10. mars (æfingaferð keppnishópa 17.-24. mars)
31. mars
14. apríl
28. apríl
Umsjón:
Umsjón með mótunum hefur Hlynur Haraldsson, unglingaleiðtogi GKG.
Skorkort eru inni í skáp í Kórnum. Eftir hvert mót er skorkortum skilað til íþróttastjóra sem færir inn úrslit og birtir á heimasíðu GKG.
Helstu reglur í púttmótum:
Mótin er 18 holur í hvert skipti.
Allir sem taka þátt í mótinu verða að hafa meðspilara sem skráir skor leikmanns.
Leikmaður og ritari þurfa að kvitta fyrir skráðu skori áður en skilað er inn til umsjónarmanns.
Tveir til þrír mega leika saman. Foreldrar mega leika með börnum sínum og skrá þá skorið fyrir barnið.
Skorkortið verður að vera fyllt út með nafni og fæðingarári.
Í byrjun hverrar brautar verður að stilla bolta upp við hliðina á teigmerki.
Klára verður hverja holu til að fá skor.
Eitt högg er í víti ef bolti snertir vegg.
Færa má bolta frá vegg þar til viðunandi staða er fengin, en þó ekki nær holu.
Þátttaka er ókeypis.