Púttmótaröð GKG til styrktar afreksstarfi GKG hefst núna á sunnudaginn. Alls verða tíu mót, fyrsta mótið verður 13. febrúar og það seinasta 18. apríl. Hægt er taka þátt frá kl. 12-15. Mótið er opið öllum kylfingum.
Fjórir bestu hringir telja í heildarkeppninni en veitt verða verðlaun eftir hvert mót. Kylfingar mega taka tvo hringi í hvert skipti og telur betri hringurinn í keppninni.
Þátttökugjald er kr. 500 fyrir hvert mót. Umsjónarmaður tekur við greiðslu.
Verðlaun eru veitt eftir hvert mót fyrir fyrstu þrjú sætin.
- Boltakort á æfingasvæði GKG að verðmæti kr. 5.000
- Boltakort á æfingasvæði GKG að verðmæti kr. 3.000
- Bíómiðar fyrir tvo í Laugarásbíó
Glæsilegar ostakörfur frá MS verða verða veittar fyrir besta samanlagðan árangur í 4 mótum, fyrir þrjú efstu sætin.
Mótsdagar eru eftirfarandi sunnudagar (með fyrirvara um breytingar):
Umsjón:
Helstu reglur í púttmótum GKG í Kórnum:
Mótin er 18 holur í hvert skipti. Leyfilegt er að taka tvo 18 holu hringi og telur betri hringurinn í keppninni.
Allir sem taka þátt í mótinu verða að hafa meðspilara og skráir hvor þeirra skor hins leikmanns eins og venja er í golfleik.
Leikmaður og ritari þurfa að kvitta fyrir skráðu skori áður en skilað er inn til umsjónarmanns.
Skorkortið verður að vera fyllt út skilmerkilega með nafni leikmanns.
Í byrjun hverrar brautar verður að stilla bolta upp við hliðina á teigmerki.
Klára verður hverja holu til að fá skor.
Eitt högg er í víti ef bolti snertir vegg.
Færa má bolta frá vegg þar til viðunandi staða er fengin, en þó ekki nær holu.
Ef tveir eða fleiri eru jafnir gilda seinni níu. Ef enn er jafnt, þá gilda seinustu sex, síðan seinustu þrjár. Ef enn er jafnt skal varpa hlutkesti.
Vonumst til að sem flestir mæti og taki þátt.