Nú er búið að opna fyrir skráningar á vetraræfingar á heimasíðu GKG. Vetraræfingarnar hefjast 14. nóvember 2011 og lýkur í byrjun júní 2012. Sjá æfingatöflu með því að smella hér en æfingarnar verða í Kórnum fram í byrjun maí en færast þá út á æfingasvæði GKG.
Þessar æfingar eru einungis fyrir félagsmenn GKG og þarf að skrá sig á skráningarforminu hér. (Innsett 17. nóv: Ath. að skráningu lauk 10. nóv 2011, þegar er fullt í nokkra hópa, vinsamlegast hafið samband við undirritaðan til að kanna möguleika á viðbótarskráningum).
Æfingagjöld verða kr. 24.000 fyrir tvær æfingar og kr. 34.000 fyrir þrjár æfingar (keppnis- og afrekshópar). Tómstundastyrk bæjarfélaga er hægt að nota til niðurgreiðslu æfingagjaldana. Gott er að setja í athugasemdir ef óskir eru um að iðkandi fari í ákveðinn hóp. Varðandi keppnis- og afrekshópa þá velja þjálfarar í þá hópa. Hægt er að sjá upplýsingar um hópana og þjálfunarstefnu í Gæðahandbók GKG.
Stefna okkar er að hafa ekki fleiri en 8 iðkendur per þjálfara. Metskráning var á æfingar í sumar, og eru því nokkrar líkur á að færri komast að en vilja á æfingar í vetur, þar sem tímarammi og húsrúm í æfingaaðstöðu okkar í Kórnum er takmarkað. Því hvetjum við áhugasama um að sækja um sem fyrst.
Með bestu kveðjum f.h. þjálfara og Íþróttanefndar GKG.