Skráning er hafin í hinu árlegu holukeppni GKG en mótið er innanfélagsmótið, þar sem hinn almenni kylfingur á góða möguleika að verða klúbbmeistari og hljóta titilinn „Holumeistari GKG“. Þetta er mótið, þar sem allir eiga jafna möguleika á sigri, ekkert síður kylfingar með háa forgjöf.
Í holukeppni með forgjöf er það bara dagsformið sem ræður!
Mótið byrjar á úrtökumót fyrir hina eiginlegu holukeppni. Þeir 32, sem fá flesta punkta, komast áfram í sjálfa holukeppnina.
Fyrstu umferð í holukeppninni skal lokið eigi síðar en mánaðarmótin júní/júlí.
Önnur umferð skal fara fram á tímabilinu 9.-23 júlí og síðan áfram á ca 2ja vikna fresti. Gert er ráð fyrir að úrslitaviðureignin fari fram fyrstu vikuna í september og ræðst þá hver verður holumeistari GKG.
Verðlaunin eru veitt á aðalfundi klúbbsins í lok ársins þar sem fráfarandi holumeistari sem krýnir nýjan holumeistara!
Skráningu í mótið skal lokið fyrir kl 16:00 á laufardaginn 5. júní.
Keppnisgjald kr [3.500] greiðist við afhendingu skorkorta.
Tekjur af mótinu renna til trjárræktarnefndar.
