Á laugardag fór fram fyrsta púttmótið í mótaröð barna og unglinga í GKG, en alls tóku 51 þátt í mótinu. Alls verða 9 púttmót í vetur og telja 5 bestu skorin. Veitt verða verðlaun í lok mótaraðarinnar fyrir 3 bestu skor í hverjum flokki. Mótin verða oftast aðra hverja helgi og verður næsta mót laugardaginn 21. janúar, en hægt er að pútta milli kl. 10-12 í Kórnum.

Keppt er í mismunandi aldursflokkum stúlkna og drengja, en hægt er að smella hér til að sjá úrslitin.

Minnum á að þátttaka er ókeypis og hvetjum við því alla krakka til að koma og taka þátt í skemmtilegu móti og fá góða æfingu í leiðinni.